عاوز تسافر ومش عارف ازاي....!!!!

عاوز تسافر ومش عارف ازاي....،

في البوست ده جمعت لك 11 طريقه للسفر والشغل والإقامة القانونية في كل دول العالم مهما كان مؤهلك أو مستوى خبرتك.

1- معاك انجلش كويس + تقديرات عالية = هتدور علي منح في تخصصك سواء جزئية أو كلية وهيبقي مسموحلك تشتغل عدد ساعات معينة في الاسبوع وبعد ما تخلص دراسه ومعادلة تقدر بسهوله تجيب عقد عمل في تخصصك.

وعلشان نوفر عليك وقت ومجهود جمعنا لك مجموعة مواقع تقدر تدور من خلالها على منحة مناسبة لتخصصك.
https://goo.gl/6CTuKS
https://goo.gl/2KdkYG
https://goo.gl/BtYN4o
طبعا في مواقع تانية غير أنك تقدر تدور بنفسك على جوجل.

2- معاك انجلش كويس + فلوس = هتسافر دراسة على حسابك وهيبقي مسموحلك تشتغل عدد ساعات معينة في الأسبوع وبعد ما تخلص دراسه تقدر بسهوله تجيب عقد عمل في تخصصك.

وفي الحالة دي ما عليك الا انك تختار الدولة اللي بتفكر تدرس فيها وهتلاقي لها موقع رسمي لكل الجامعات (مثال https://goo.gl/dsg5js الخاص بالدراسة في ألمانيا و https://goo.gl/cqmHnv الخاص بالسويد).

هتدخل على الموقع وتختار التخصص والدرجة العلمية وهتلاقي كل البرامج المتاحة بعد ما تختار ابدأ بمراسلة الجامعة مباشرة وامشي في خطوات التقديم.

3- معاك انجلش كويس + فلوس + خبرة وتخصص = هتقدم علي هجرة كندا او استراليا او نيوزيلاندا.

وفي الحالة دي ممكن تستعين بمحامي هجرة أو تتعب شوية و تخلص ورقك بنفسك.. وفي المواقع دي هتلاقي كل اللي هتحتاجه عن التقديم للهجرة :
كندا : https://goo.gl/A28yYz
استراليا : https://goo.gl/ozc6kR
نيوزيلاندا :https://goo.gl/27PmLv

وبالنسبة للـ 3 بلاد دول كونهم من أكتر بلاد العالم استقبالا للمهاجرين هتلاقي فيديوهات وقنوات كاملة على يوتيوب بتتكلم عن الهجرة بالتفصيل خطوة بخطوة، و متنساش تبص على منتدى المطاريد وتسأل الناس اللي سافرت عن تجاربها ده هيوفر عليك وقت ومجهود وفلوس كتير جدا.

4- معاك انجلش كويس + skills عاليه اوي اوي علي الانترنت والتسويق الالكتروني = هتشتغل freelancer وتصرف علي سفرك.
وفي الحالة دي أنسب بلد ممكن تروحها هي جورجيا لأن فيها كل اللي هتحتاجه علشان تشتغل وتعيش كويس بالإضافة أن تكلفة المعيشة فيها منخفضة جدا مقارنة بباقي دول أوروبا وكمان الحصول على اقامة هناك سهل ورخيص جدا وممكن تعمله عن طريق تأسيس شركة أو تشتري عقد عمل من شركة شغالة وده أضمن.

وفي الحالة دي ممكن تكلم صفحة جورجيا بالعربي وهم بيوفروا لك العقد ويساعدوك في الإقامة وكمان لو حابب تأسس شركة هيخلصوا لك كل الإجراءات الخاصة بالشركة والإقامة.
رابط الصفحة : https://goo.gl/fxmvi1

5- معاك فلووووووس كتير بس = هتقدم علي فيزا استثمار او شراء عقار وتاخد أقامه في دول كتير حسب امكانياتك وقوانين البلد دي ومن ضمن البلاد اللي بتسمح بفيزا عن طريق شراء عقار هي جورجيا، تركيا، قبرص وغيرهم بتكاليف متفاوتة.

أما الدول اللي بتسمح بالاقامة عن طريق الاستثمار فهي أكتر من اننا نعدها لكن خلينا نتكلم عن الاتحاد الاوروبي (لأن باقي الدول بتطلب مبالغ خرافية) فأسهل دولتين تقدر تاخد فيهم اقامة مستثمر هم اسبانيا وسلوفاكيا ولو حد مهتم بالاستثمار في البلاد دي يبعت لنا و ان شاء الله نوصله بناس تساعده.

6- معاك خبره وتخصص بس = هتسافر بعقود عمل او فيزا عمل بسهوله لدول كتير وكله حسب تخصصك وعدد سنين خبرتك والنوعية دي تندرج تحتها فئات كتير من السفر .. منها الرياضيين ومنها الحرفيين ومهن اخرى كتير.

ومن أشهر البلاد اللي ممكن تسافر فيها بالطريقة دي هي ألمانيا، والحكومة الألمانية عملت موقع مخصص للموضوع ده وهيساعدك على أنك تعرف الاجراءات بالتفصيل ومتوفر كمان باللغة العربية. https://goo.gl/WT5iL9

7- اعزب / عازبه = هتتجوز او تتجوزي من واحد / واحدة اجنبي / اجنبيه.. لكن الطريقة دي هي الاصعب لان الاجانب دلوقتي قفشوا حوار انك تتجوز علشان الإقامة بعدين تخلع!

فإما تبقى مظبط مع حد من البداية و دافع فلوس مقابل ده (تقدر تعمل كده في جورجيا وأوكرانيا وتاخد جنسية بعد سنتين بالظبط وفي مكاتب بتخلص موضوع الجواز الصوري ده).

أو تكون سافرت البلد وحصلت على إقامة بالفعل وهناك تتجوز وده بيضمن انك بتتجوز من أجل الجواز والاستقرار وبالتالي هيبقى في فرصة كبيرة للجواز من خلال الانخراط في المجتمع وده الافضل طبعا.

8- فيزا السياحة (في لها 4 طرق)
* فيزا سياحه + فلوس + اعزب = تروح وتدور علي كورسات المعادلة في تخصصك وتعادل قبل انتهاء مدة التأشيرة وهتقدر بسهوله تبعت ال CV بتاعك من وانت هناك وتجيب عقد عمل بسهولة في تخصصك.

* فيزا سياحه + فلوس + متزوج = روح البرازيل لو زوجتك حامل وهي هتولد هناك وابنك هياخد الجنسيه البرازيليه فورا وبتقدم من تاني يوم علي الاقامه ليك و لزوجتك وبعد سنتين من الإقامة الدائمة في البرازيل بتقدم علي الجنسيه البرازيليه اللي بتدخل كل دول اوروبا سياحة مجانا.

* فيزا سياحه + تخصص = تروح دوله زي الامارات وتراسل الشركات هناك وتدور علي شغل بفيزا زياره 3 شهور او شهر ودي احنا نقدر نخلصها لكل المهن والمؤهلات.

* فيزا سياحه + ابيض ميح = تقدم لجوء او تتجوز واحدة ودي في دول اوروبا بقت بتشترط مغادرة أراضي البلاد وهي تعملك لم شمل وتيجي مره تانيه بس بفيزا زواج.

وفي جميع الحالات نقدر نساعدك على تجهيز ملف التأشيرة السياحية من جميع سفارات العالم بطريقة صحيحة... ممكن تتواصل معانا لو محتاج أي تأشيرة.

9- ودي طريقة تعتمد على الحظ بشكل كبير وهي :
* لوتري امريكا في شهر 10 من كل سنة وده الموقع الخاص بيهم https://goo.gl/kwHL6F

10- عقود العمل الموسمية لإيطاليا في شهر 3 من كل سنة ويشترط ان شخص ايطالي الجنسيه يقدملك بصورة الباسبور فقط ودي للاسف معندناش معلومات تفصيلية عنها لكن لو لك حد في إيطاليا تقدر تخليه يسأل لك.

11- الإقامة السياحية في تركيا سنتين او سنه بفيزا السياحة العادية بمبلغ 250 دولار وتدور علي شغل ولازم يكون معاك تركي كويس اوي اوي.. وفي الحالة دي ممكن تكلم الشباب في صفحة Türkiye'ye hoş geldiniz - الإقامة في تركيا هم يقدروا يخلصوا لك الإقامة و كمان يساعدوك على إيجاد سكن وتعلم اللغة التركية.
رابط الصفحة : https://goo.gl/wrctu6

ملاحظات مهمة جدا جدا

الاولى : ان الزمن حاليا اختلف عن زمان .. زمان كان في السفر للسعوديه و ل ليبيا و العراق وسوريا ولبنان متاح جدا للمصريين وكان فيهم الخير كله لكن الزمن اتغير نظرا للظروف السياسية والاقتصادية في البلاد دي والأزمات والحروب ف المتاح حاليا عكس المتاح زمان.

الثانية : ان لازم تتعلم لغة اهل البلد اللي رايحها , أضعف الإيمان يكون معاك انجلش كويس اوي ومش كفايه كمان في بلاد زي ألمانيا وتركيا الخ الخ , مفيش لغه = مفيش نجاح.

وقبل ما نختم لازم نشكر Traveller Experience علي تجميع طرق الهجرة ونشرها على جروب .. احنا الحقيقة معملناش حاجة غير اننا اضفنا شوية معلومات من عندنا على البوست اللي

وأخيرا... تمنياتنا لكم تسافروا بالسلامة ان شاء الله، وياريت متنسوش شير و منشن لأصدقائكم المهتمين
بالسفر والهجرة.

ازاي تبداء مشروعك و تعمل دراسة جدوي قويه لشغلك

ازاي تبداء مشروعك وتعمل دراسة جدوي قويه لشغلك كل شويه يجي في دماغك فكرة Product تعمله اونلاين وتلاقي نفسك مبدأتش ف اي حاجه ؟

ناس كتير جدا بيبقي عندها افكار ل Products رائعه وبيمر الوقت وبيتفجئوا ان المشروع اتعملت بالفعل وحققت نجاح مع ناس تانيه ويبدأوا يلوموا نفسهم ازاي مبدأوش، ويبدأوا يفكروا في فكره Product جديد وبرده مبيبدأوش فيه وبيكرروا نفس الاخطاء.

الاول دي شويه نصايح بسيطه ومهمه جدا ليك:
1. متتكلمش كتير عن فكره المشروع الي انت شغال عليه
2. لو بدأت في مرحله التنفيذ وقابلت طاقه سلبيه ونقض متكرر او احباط من الي حواليك، حاول الاول تسمع ارائهم بهدوء وابدأ بتحليل ارائهم ودور علي اجابات لاعتراضاتهم او اسئلتهم بحيث تحول احباطهم لتشجيع وتستفيد من النقد ده.
3. لو عايز تبدأ مشروع فعليا ابدأ دلوقت متقولش هبدأ بكره اصل مشغول...اصل معايا حاجات مهمه هخلصها ، الشغل مبيخلصش.
4. لازم تحط Deadline للانتهاء من المشروع او الانتهاء من جزء منه علي الاقل
5. اوعي تفكر ان في بيزنس كامل فالدنيا لازم يكون فيه نقص في مشروعك بس الاهم ان الجزء الي خلص يكون مفيد فعلياً وتقدر تبدأ بيه وتنزل الماركت.

دلوقت هنتكلم شويه عن ازاي ترتب افكارك وتشوف هل ال Product او الـ Business الي بتخططله ده هيكونEffective وفيه Potential ولا لأ، في شوية مراحل طبيعي محتاج تمر بيهم واهمهم:

المرحله الاولي: Market Research
وهي مكونه من 6 خطوات اساسيين وهما
الخطوه الاولي:- انك تحدد المشكله الي موجوده في Market الي البيزنس بتاعك او البروداكت بتاعك هيحلها.
الخطوه التانيه:- تبدأ تحط اطار عام للمشكله عشان تقدر تعمل Analysis للمشكله وتشوف نماذج فعليه مرت بالمشكله وتتناقش معاهم.
الخطوه التالته:- تبدأ تجهز Survey عشان تقدر تاخد Samples من الماركت وتاخد اجابتهم وتستفيد منها وبرده تبدأ تجهز المتغيرات الي ممكن تأثر علي ال Product او الBusiness بتاعك .
الخطوه الرابعه: والخطوه دي متعبه نسبياً لكن مهمه جدا،فالخطوه دي هتتحرك offline وتتعامل مع الناس face to face او من خلال التليفون وتبدأ بتجميع اجابات لاسئله عشوائيه تقدر تستفيد من اجاباتهم في ال Data analysis
الخطوه الخامسه: وهيا بتجمع بين الخطوه التانيه والتالته والرابعه وتستفيد بكل ال Data الي سجلتها في كل المراحل السابقه وتبدأ تصنف الاجابات عشان تحدد اكتر من Segment وتعملها Analysis بناءاً علي التصنيفات الي عملتها
الخطوه السادسه: مرحلة ال Reports ودي مهمه جدا انك تعمل Report لكل ال Data الي معاك والـ Report ده يكون واضح ومختصر جدا عشان يساعدك علي اتخاذ القرار الصحيح
لو حابب تقرأ عن Market Research بشكل مفصل: https://goo.gl/r3FkQb

المرحله الثانيه: SWOT Analysis ودي بطبقها للمنتج بتاعك وللـ Market نفسه
المرحله دي مهمه جدا وباختصار من خلالها بتقدر تحدد نقاط القوه ونقاط الضعف والفرص المتاحه والتهديدات الي ممكن تأثر عليك ولو حابب تقرأ بالتفصيل عن الموضوع ده وتفهم ازاي تنفذه من هنا : https://goo.gl/nrHZDn
المرحله التالته: Competitors Analysis
وهنا بتعمل تحليل للـ Competitors وتقسمهم Main Competitors And Sub Competitors وتقيم نقاط القوه ونقاط الضعف لكل حد فيهم عشان هتستفيد منها. وبرده بتعمل Deep Research للـ Competitors المحتملين في المستقبل ومن خلال ال Analysis الي نفذته بيكون ليه دور كبير جدا في ال Strategy الي هتتحرك بيها، لو حابب تقرأ اكثر من هنا: https://goo.gl/yLTCR9

الخطوه الرابعه واهم حاجه محتاج تعملها: Business Plan
والجزئيه دي محتاجه تركيز كبير منك لان علي اساسها المشروع هيكمل وينجح او هيفشل ، وطبعا مش هنقدر نغطيها كلها لكن هنتكلم عن شوية اساسيات محتاج تاخد بالك منها في ال Business Plan واولهم ال Key Resources بتاعت المشروع سواء Human Resources or intellectual Resources محتاجها عشان عمليه التنفيذ،
تاني حاجه الـ Customer Segment ودي مهمه جدا عشان بتتوقع فيها حجم الـ Target الي هتستهدفه وازاي تقدر تفيده
تالت حاجه الـ Cost Structure & Financial ودي بتجهز فيها تكلفه تنفيذ المشروع
ورابع حاجه وهيا الاهم طبعا الـ Revenue streams وهنا بتقول حضرتك هتكسب ازاي من المشروع ده !